Bakı, 18 iyun, Nihat Budaqov, AZƏRTAC
Azərbaycan birinci Avropa Oyunlarında gümüş medallarının sayını 5-ə çatdırıb.
AZƏRTAC xəbər verir ki, taekvondo üzrə qadınlar arasında 67 kiloqram çəki dərəcəsinin final görüşündə Azərbaycan idmançısı, dünya çempionatının mükafatçısı Fəridə Əzizova rusiyalı Anastasiya Baruşnikova ilə qarşılaşıb. Gərgin keçən görüş rəqibin 5:6 hesablı qələbəsi ilə başa çatıb. Beləliklə, həmyerlimiz gümüş medalla kifayətlənməli olub.
Azərbaycan Respublikasının Prezidenti İlham Əliyev, xanımı Mehriban Əliyeva və ailə üzvləri final qarşılaşmasını izləyiblər.
