Yunanıstanın baş naziri Aleksis Tsipras barədə şok iddia yayılıb. ANS PRESS-in məlumatına görə, “The Times” qəzetinin internet səhifəsində yunan baş nazirin həyat yoldaşı Peristera Baziananın Tsiprası hədələməsi barədə xəbər yayılıb. Bildirilir ki, sosialist ideologiyaya sahib olan Baziana Beynəlxalq Valyuta Fondu (IMF) ilə razılığa gələcəyi təqdirdə baş naziri tərk edəcəyi ilə hədələyib. Gənclik illərində kommunist partiyanın üzvü olan Baziananın radikal kommunist olduğu qeyd edilib.
Qeyd edək ki, 28 ildir birlikdə nigahsız yaşayan Çipras və Baziana cütlüyü 1987-ci ildə tanış olublar. Orta məktəbdən bəri etirazçı sol görüşlü qrupların üzvü olan cütlüyün 2 oğlan övladı var.
