Kişilər arasında taekvondo üzrə +80kq çəkidə yarışlar keçirilir.
ANS PRESS-in məlumatına görə, hazrda Kristal Zalda baş tutan yarışlarda ilkin raund döyüşləri davam edir. Azərbaycanı bu çəki dərəcəsində Radik İsayev təmsil edəcək. Radik 1/4 final mərhələsində Niderlanddan olan idmançı Jeroen Vanroijlə münasibətlərinə aydınlıq gətirəcək. Bu görüş saat 15:15-də baş tutacaq.
Qadınlar arasında +67kq çəkidə isə Azərbaycanı Marina Tadeyeva təmsil edəcək. Taekvondoçumuz Ukraynadan olan idmançı Marina Konieva ilə döyüşəcək. Marina ilkin raundda qələbə qazanacağı təqdirdə adını 1/4 finala yazdıracaq.
Qeyd edək ki, birinci Avropa Oyunlarında keçirilən yarışlarda Azərbaycan ümumilikdə 12 qızıl, 5 gümüş, 12 bürünc medal qazanıb.