Müğənni Ledi Qaqa Nyu-Yorkda təşkil edilən 46-cı “Songwriters Hall Of Fame” mükafatlandırma mərasiminə qatılıb.
Axşam.az xarici mətbuata istinadən xəbər verir ki, hər il keçirilən mərasimdə ABŞ-da məşhur olan mahnıların müəllifləri mükafatla təltif edilib. Toni Bennetin əlindən “Icon Award” mükafatını alan Ledi gecənin birinci hissəsinə açıq-saçıq, ikinci hissəsinə isə olduqca qapalı geyimdə qatılıb.
“Nə qədər ki, mən də mahnı müəllifiyəm, bu mərasim mənim üçün böyük əhəmiyyət daşıyır. Mahnı bəstələmək həyatımın mənasıdır” deyən L.Qaqa əvvəlcə qırmızı məxmər pencək, gün eynəyi, tor corab və dəri alt paltarı ilə obrazını tamamlasa da, daha sonra zolaqlı pencəyi ilə diqqət çəkib.
