Bölgələrdə müəllimlər üçün sınaq qiymətləndirilməsi yay aylarında keçirilə bilər. Lent.az-ın əldə etdiyi məlumata görə, bu proses mərhələli şəkildə həyata keçiriləcək.
Təhsil Nazirliyindən bununla bağlı Lent.az-ın sorğusuna cavab olaraq bildirib ki, Azərbaycanın bölgələrində də sınaq qiymətləndirilməsinin aparılması nəzərdə tutulur. Bu, sistemli şəkildə həyata keçiriləcək: “Sınaq qiymətləndirilməsi müəllimlərə öz zəif və güclü tərəflərini müəyyənləşdirməyə, çatışmayan cəhətlərini aradan qaldırmağa kömək edir”.
Qeyd edək ki, Bakıda qiymətləndirilmə 4 gün ərzində (ötən ilin 10-13 iyun tarixlərində) aparılıb. Sınaq qiymətləndirilməsində 30 mindən artıq müəllim iştirak edib.