Əməkdar artist Elza Seyidcahanın başına məşəl qoyması xalq artisti İlhamə Quliyevanı özündən çıxarıb. Lent.az-ın məlumatına görə, “ATV-maqazin” verilişinə açıqlama verən İ.Quliyeva E.Seyidcahanın adını çəkmədən onun barəsində bu sözləri deyib: “Kimlərəsə o müqəddəs məşəli başlarında qəlyanla əvəz eləyib. Çox ayıb olsun".
İ.Quliyeva E.Seyidcahanı qınasa da, Ledi Qaqanın ünvanına xoş sözlər söyləyib: “Ledi Qaqaya hörmətim çox artdı. Görünür ki, o, bizim mentaliteti nəzərə alıb, gözəl uzun don geyinmişdi. Dünya ulduzudu da. Özü oturub ifa etdi, oxudu”.
