Türkiyədə Başiskele bölgəsində güclü partlayış baş verib. ANS PRESS-in məlumatına görə, partlayış fəaliyyət göstərən fabriklərdən birinin kimya deposunda qeydə alınıb.
Partlayışın ardından çıxan yanğın qısa müddətdə böyüyərək fabriki öz təsirinə alıb. Yanğının söndürülməsinə Kocaeli Böyükşəhər Bələdiyyəsinin yanğınsöndürənlərindən əlavə yaxın bölgələrdən də yanğınsöndürənlər cəlb olunub.
Hadisə yerinə çox sayda təcili yardım maşınları gəlib. Yanğın qısa zamanda böyüyüb fabriki tamamən öz təsirinə alıb.
Ətrafdakı fabriklərə yayılmaması üçün müdaxilə edən yanğınsöndürənlər ölən və yaralananların olmadığını bildirib.
