Finala çıxan taekvondoçumuz:"Qızılın bir addımlığındayam"

Finala çıxan taekvondoçumuz:"Qızılın bir addımlığındayam"
17:29 19 İyun 2015
34 İdman
Ölkə mətbuatı
A- A+

“Faktiki olaraq, qızıl medalın bir addımlığındayam. Yolun yarısından çoxu keçilib”. Bunu apasport.az saytına açıqlamasında Azərbaycan millisinin taekvondoçusu Radik İsayev deyib.

 

Dünya çempionumuz Bakı-2015 Avropa Oyunlarında +80 kq çəki dərəcəsində finala yüksəlməsini şərh edib. Yarımfinalda sloveniyalı İvan Traykoviç üzərində təmiz qələbə qazanan təmsilçimiz bildirib ki, çempionluq döyüşü daha çətin olacaq: “Finaldakı rəqibim zəif deyil. Rusiyalı Vladislav Larinlə artıq görüşmüşəm və 2 dəfə məğlub olmuşam. Allahın köməyi ilə çalışacağam ki, əlimdən gələni edim. Birinci dövrəni buraxdım, çünki rəqibimin sağlamlığı ilə bağlı problemi olduğundan, çıxış etmədi. 1/4 finalda hollandiyalı ilə görüş də çətin keçdi. Sonra növbəti döyüşdə asanlıqla qalib gəldim. Hərçənd, rəqibim zəif deyildi. Traykoviç Olimpiada iştirakçısı və dünya çempionatının mükafatçısı idi. Allaha şükür olsun ki, indi finaldayam. Bir az fasilə və yenə mübarizəmə davam edəcəyəm”.

 

Bu günlərdə ata olan İsayev Avropa Oyunlarından sonra dincələcəyini deyib: “Bugünkü yarışın nəticəsindən asılı olmayaraq, ailəmin yanına gedib, istirahət edəcəm. Qayıtdıqdan sonra isə hazırlıqlara başlayacam. Rio Olimpiadasına lisenziya qazanmaq lazımdı”.

 

 


Xəbərin orijinal ünvanı: http://news.lent.az/news/206388

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR