Bakı. Faiq Mahmudov – APA. Taylandda NcoV (Orta Şərq Respirator Sindromu) virusuna ilk yoluxma halı qeydə alınıb.
APA-nın “Reuters”ə istinadən verdiyi xəbərə görə, virusa yoluxmuş şəxs ürək xəstəliyindən əziyyət çəkən 75 yaşlı Oman vətəndaşıdır.
Ekspertlər NcoV virusunun Orta Şərq və Səudiyyə Ərəbistanından yayıldığını iddia edirlər. Onların sözlərinə görə, bu virusu ilk vaxtlarda aşkarlamaq olduqca çətindir, yalnız xəstəlik müəyyən mərhələyə keçdikdən sonra müəyyən etmək olur. Çünki onun ümumi əlamətləri soyuqdəyməyə bənzəyir.