Azərbaycan, Bakı, 19 iyun /Trend, müxbir İlkin İzzət/
Bakı-2015 birinci Avropa Oyunlarında kişi boksçuların yarışında yarım-ağır çəki dərəcəsində (81 kq) mübarizə aparan idmançımız Teymur Məmmədov növbəti döyüşünə çıxıb.
Trend-in məlumatına görə, 1/8 final mərhələsində polşalı boksçu Yordsan Kulinski ilə qarşılaşan T.Məmmədov baxımlı döyüş nümayiş etdirib.
Yekunda 3:0 hesabı ilə qalib gələn boksçumuz 1/4 finala yüksəlib.
Xatırladaq ki, bu gün kişi boksçularımızdan ilk olaraq rinqə çıxan Tayfur Əliyev yarımyüngül çəkidə (56 kq) 1/8 finalda Rumıniya boksçusu Nikolae Andreianaya qalib gələrək 1/4 finala vəsiqə qazanıb.
Qeyd edək ki, rinqə çıxacaq növbəti boksçumuz Azərbaycanı superağır çəkidə (+91 kq) təmsil edən, Olimpya Oyunlarının bürünc mükafatçısı, dünya çempionu Məhəmmədrəsul Məcidov olacaq. Onun rəqibi Gürcüstan boksçusu Mixeil Baxtidze olacaq.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
