x
Loading...

Hər gün yediyimiz təhlükə (VİDEO)

Hər gün yediyimiz təhlükə (VİDEO)
00:16 20 İyun 2015
85 Digər
Ölkə mətbuatı
A- A+
.

Fast-food qidalarının ən çox tələb olunan növü məhz dönərdi desək yanılmarıq. Azərbaycanda hələ satışının 2006-cı ildən qadağan olunmasına baxmayaraq, toyuq dönərinə daha çox tələbat var. İnsanlar bu qidadan nədənsə imtina edə bilmir.

Hətta müxtəlif dönərxanalarda ət dönəri 40-50 qəpik ucuz satılsa da. Tələbatın səbəbini aydınlaşdırmaq isə heç də çətin deyil.

Mütəxəssislər toyuğun daha yüngül həzm olunması ilə bunu əlaqələndirirlər. Bununla yanaşı xəbərdarlıq edirlər ki, yay fəslində bu qida daha təhlükəlidir.

Maraqlısı və anlaşılmayanı da odur ki, insanlar satışının qadağan və sağlamlıq üçün təhlükəli olmasına baxmayaraq, hələ də bu qida növünə üstünlük verilir.

Bu halda düşünürsən - bəlkə toyuq dönərinin satışına qoyulan qadağa aradan qaldırılıb? Elə bu sualı Respublika Gigiyena və Epidemiologiya Mərkəzinin şöbə müdiri İmran Abdullayevə ünvanladıq.

Qurum rəsimisi qanunun qüvvədə olduğunu, lakin qanuna əməl etməyənlərin olduğunu bildirir. Xüsusilə son vaxtarda toyuq dönərindən zəhərlənənlərin sayı artıb. Məhz buna görə də ölkə ərazisində bu cür satışla məşğul olanlara ciddi xəbardarlıq edir:

“Qəbul olunan qərardan bir müddət sonra toyuq dönərinin bir neçə dəfə əhali arasında kütləvi zəhərlənmə halı qeydə alınıb. Bu da onu göstərir ki, toyuq dönəri ilə zəhərlənmə riski daha yüksəkdir. Məhz ona görə də biz toyuq dönərinin satışına qadağa qoymuşuq”.

Bundan başqa şöbə müdiri onu da bildirdi ki, xüsusilə isti yay aylarında toyuq dönərləri insan sağlamlığına zərərlidir: "Və ölkədə xeyli sayda toyuq ferması var ki, bəziləri nəzarətdən yayınır. Buna görə də toyuğun haradan alınması məsələsi də çox önəmlidir. Artıq lazımi tədbirlərin görülməsilə bağlı rayon və ərazi gigiyena mərkəzlərinə göstəriş verilib. Bu cür hallar davam etdikdə o zaman biz daha sərt tədbirlər görməyə məcbur olacağıq”, – deyə İmran Abdullayev qeyd edib.

Qurum rəsmisinin sözlərinə görə, son iki ayı ərzində 20-ə yaxın dönərxananın fəaliyyəti dayanadırlıb.

Buna görə də vətəndaşlar hansısa dönərxananın bağlanmasını gözləmədən öncə özləri toyuq dönərindən imtina etməlidir

Nəzərə alınmalıdır ki, toyuqdan hazırlanan dönər gün ərzində 7-8 saat şişdə qalaraq çox sayda mikroorqanizmlərlə çirklənir.


Xəbərin orijinal ünvanı: http://anspress.com/index.php?a=2&lng=az&cid=111&nid=351985

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR