[ 20 İyun 2015 12:26 ]
APA-nın “The Associated Press”ə istinadən verdiyi xəbərə görə, Dilan Rufun yaxın dostu Kriston Skriven bildirib ki, Dilan hadisəni törətməmişdən bir qədər əvvəl Çarlston kollecində xeyli sayda insana zərər vurmaq istədiyini bildirib: “Yeddin gündən sonra. Mənim yeddi günüm var”.
Dostlarının bildirdiyinə görə, Dilan Ruf valideynlərinin ona verdiyi pulları toplayaraq özünə “Glock 45” tapançası alıb:
“Mən düşünmürəm ki, kilsə onun ilkin hədəfi olub, çünki o, bizə kollecə gedəcəyini demişdi. Mənim fikrimcə, o kollecə gedib, lakin təhlükəsizlik sisteminin olduğuna görə kollecə daxil ola bilməyib və sonra kilsəni hədəf seçib”, - deyə Rufun dostu bildirib.
Xatırladaq ki, iyunun 17-də ağdərili Dilan Ruf kilsəyə daxil olaraq atəş açmağa başlayıb. Nəticədə 9 nəfər - 3 kişi və 9 qadın ölüb. Ölənlərin hamısı qaradərilidir. Hadisəni törədən Dilan Ruf saxlanılıb. Cinayət Məcəlləsinin irqi nifrət zəminində törədilmiş cinayət və daxili terrorizm bəndləri üzrə cinayət işi açılıb.
