x
Loading...

Xaçmazda növbəti qanvermə aksiyası keçiriləcək

Xaçmazda növbəti qanvermə aksiyası keçiriləcək
14:38 20 İyun 2015
45 Ölkə
Ölkə mətbuatı
A- A+
.


Xaçmaz, 20 iyun, Elxan Yusifli, AZƏRTAC
İyunun 22-də Xaçmaz rayonunda hemofiliya, talassemiya və digər qan xəstəliklərindən əziyyət çəkən xəstələrə yardım məqsədilə növbəti qanvermə aksiyası keçiriləcək.
AZƏRTAC xəbər verir ki, aksiya Səhiyyə Nazirliyi B.Eyvazov adına Hematologiya, Transfuziologiya İnstitutu nəzdində Mərkəzi Qan Bankı və Xaçmaz Rayon İcra Hakimiyyətinin təşəbbüsü ilə təşkil olunacaq.
Qanvermə aksiyasına saat 09:30-da start veriləcək. Mərkəzi Qan Bankının xüsusi tibb briqadasının həkim-hemotoloqları mərkəzi rayon xəstəxanasının tibb heyəti ilə birgə könüllü donorları müayinə etdikdən sonra onlardan qan götürəcəklər.
Yaşı 18-65 arasında olan sağlam vətəndaşlar Heydər Əliyev adına mədəniyyət sarayında təşkil olunacaq birgünlük aksiyada könüllü iştirak edə bilərlər.
Gün ərzində davam edən humanitar aksiya çərçivəsində könüllü donorlardan götürülən qan nümunələri Respublika Mərkəzi Qan Bankına göndəriləcək və irsi qan xəstəliklərinin müalicəsində istifadə olunacaq.

Xəbərin orijinal ünvanı: http://azertag.az/xeber/Xachmazda_novbeti_qanverme_aksiyasi_kechirilecek-865644

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR