“East journal”: Azərbaycan Olimpiya Oyunlarına yüksək səviyyədə ev sahibliyi etmək iqtidarındadır

“East journal”: Azərbaycan Olimpiya Oyunlarına yüksək səviyyədə ev sahibliyi etmək iqtidarındadır
01:28 21 İyun 2015
64 İdman
Ölkə mətbuatı
A- A+


Roma, 20 iyun, AZƏRTAC
İtaliyanın “East journal” onlayn jurnalında Azərbaycanda keçirilən ilk Avropa Oyunları ilə bağlı məqalə yerləşdirilib.
Yazıda qeyd olunub ki, digər qitələr öz yarışlarını çoxdan təşkil edir. Nəhayət, Avropa Olimpiya Komitəsinin təşəbbüsü ilə Köhnə qitənin də Oyunlarının keçirilməsi qərara alındı.
Müəllif “Bakı-2015”-in təşkili, yarışlarda mübarizə aparan idmançılar haqqında ətraflı məlumat verib. Bildirilib ki, tədbirin açılış mərasimi 68 min tamaşaçı tutumuna malik nəhəng Bakı Olimpiya Stadionunda yüksək səviyyədə təşkil olunub. Tədbir zamanı Azərbaycanın tarixi, mədəniyyəti, xalqın milli sərvəti olan muğam, dahi şair Nizami Gəncəvinin əsərləri, Yanardağ, Qobustan qayalıqları və digər elementlər nümayiş olunub. Mərasimdə bir sıra Avropa ölkələrinin dövlət və hökumət başçıları iştirak ediblər.
Azərbaycanın ilk Avropa Oyunlarına ev sahibliyi etməsini təhlil edən müəllif vurğulayıb ki, bu ölkə tədbiri layiqincə və gözləntiləri doğruldacaq dərəcədə təşkil edə biləcək önəmli namizəd idi. Azərbaycan üçün də bu Oyunlara ev sahibliyi etmək özünü bütün dünyaya təqdim etmək baxımından əhəmiyyətli idi. Tədbirin yüksək səviyyədə təşkil olunması Azərbaycanın gələcəkdə Olimpiya Oyunlarına da uğurla ev sahibliyi etmək iqtidarında olduğunu göstərir.
Məqalədə oxucuların diqqətinə çatdırılıb ki, son illər Azərbaycan önəmli idman tədbirlərinin təşkilatçısına çevrilib. Bakı “Formula-1” Avropa Qran-pri yarışları, 2017-ci ildə IV İslam Həmrəyliyi Oyunları və “Avro-2020”nin final mərhələsinin oyunları kimi önəmli idman tədbirlərinə ev sahibliyi etməyə hazırlaşır.
Maqsud Dadaşov
AZƏRTAC-ın xüsusi müxbiri
Roma

Xəbərin orijinal ünvanı: http://azertag.az/xeber/East_journal_Azerbaycan_Olimpiya_Oyunlarina_yuksek_seviyyede_ev_sahibliyi_etmek_iqtidarindadir-865782

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR