Bu gün "Bakı-2015" I Avropa Oyunlarında akrobatika yarışlarına yekun vurulacaq. Fanat.az хəbər verir ki, 4 növdə medalçılar müəyyənləşəcək.
Qarışıq cütlüklər arasında temp hərəkətləri yarışı saat 14.35-də başlayacaq. Ulyana Dyakova və Anatoli Leonovdan ibarət cütlüyümüz 4-cü sırada mübarizəyə qoşulacaq. Saat 17.30-da isə balans yarışlarına start veriləcək. Cütlüyümüz bu dəfə 1-ci sırada yer alıb.
Qadınlar arasında qrup yarışlarının balns növündə final yarışları saat 16.05-də start götürəcək. Yığmamız mübarizəyə ikinci sırada başlayacaq. Temp yarışlarına isə 18.25-də başlanılacaq. Komandamız bu dəfə öz məharətini birinci sırada göstərəcək.
Fanat.az