Milli.Az Bakı-2015-in rəsmi saytına istinadən bildirir ki, Avropa Oyunlarının 10-cu günündə Bakı Kristal Zalında qadınlar və kişilər arasında boks yarışları başlanıb.
Qadınlar arasında yüngül çəkidə (57-60 kq) təmsilçimiz Yana Alekseyevna 1/8-də finalda saat 13:30-da keçiriləcək döyüşdə onun rəqibi Finlandiyadan Mira Patkonenlə döyüşəcək.
Kişilər arasında yarım-orta çəkidə (69 kq) Pərviz Bağırov 1/8 finalda Moldovadan Vasili Belousla 14:15-də rinqə çıxacaq.
15:30-da 91 kq çəki dərəcəsində Əbdülqədir Abdullayev 1/8 final mərhələsində macar Adam Hamori ilə döyüşəcək.
Kollazo Sotomayor (64 kq) bu gün 20:30-da 1/8 finalda oynayır. Onun rəqibi Moldovadan Dmitri Qalaqot olacaq.
75 kq çəki dərəcəsində boksçumuz Xaybula Musalov 21:00-da 1/8 finalda Fransa təmsilçisi Kristian Mbilli Assomo Hallier ilə döyüşəcək.
İdmançılarımıza uğurlar arzulayırıq!
Milli.Az
