Bu səhər Milli Gimnastika Arenasında batut gimnastikası üzrə yarışların bir qismi yekunlaşıb.
ANS PRESS-in məlumatına görə, Rusiya idmançısı Yana Pavlova batut gimnastikası üzrə qadınlar arasında fərdi yarışda 54.335 xal toplamaqla qızıl medal qazanıb.
Britaniyalı Katrin Driskoll 53.910 xalla gümüş, belarus gimnastı Hanna Harçonak isə 53.565 xalla bürüncə sahib olub.
Artıq kişilər arasında fərdi yarışların da nəticəsi bəlli olub. Rusiyalı Dmitri Uşakov 60.090 xalla qızıl medala yiyələnib.
Belarus idmançısı Vladislau Hançarou gümüş medal (59.380 xal), Azərbaycan idmançısı İlya Qrişunin isə 58.765 xalla bürüncü əldə edib.
