Bakıda tikilən möhtəşəm stadiondan SON GÖRÜNTÜLƏR

Bakıda tikilən möhtəşəm stadiondan SON GÖRÜNTÜLƏR
16:44 21 Yanvar 2015
440 İdman
Ölkə mətbuatı
A- A+

Bakıda keçiriləcək Birinci Avropa Oyunlarına az vaxt qalıb. Milli stadionda işlər yekunlaşmaq üzrədir. Stadionun fevralın sonunda təhvil veriləcəyi gözlənilir. Stadion sahəsinə 4, tribunalara isə 26 giriş olacaq. 69 minə yaxın tamaşaçı tutumlu stadionda VİP, CİP və əlil tamaşaçılar üçün də xüsusi oturacaqlar hazırlanıb.

 

APA TV-nin xəbərinə görə, təqribən 50 hektar ərazidə tikilən 6 mərtəbəli stadion 62 metr hündürlüyündədir. İnşaat işləri Beynəlxalq Tikinti Standartına, FİFA və UEFA standartlarına uyğun aparılır. Stadionun fasadı yanğına, eroziyaya davamlı xüsusi materialdan hazırlanıb. 2 min tamaşaçı tutumuna malik əlavə məşq meydançasından, həmçinin mexaniki binadan ibarət olacaq stadiona qonaqların daha çox piyada, ictimai nəqliyyatla gəlmələri nəzərdə tutulub ki, bunun üçün də 3103 yerlik avtomobil parkı inşa edilir. Stadionun ətrafında ümumilikdə 82 min kv.m yaşıllıq sahəsi salınacaq.

 

Hazırda stadionun içərisində təmizlik, ətrafında isə abadlıq işlərinin davam etdiyi görülür. Bakı Avropa Oyunları Əməliyyat Komitəsindən bildirilib ki, bütün tikinti işləri müvafiq cədvəl üzrə gedir.

 

Ölkə başçısı və fəxri qonaqlar üçün nəzərdə tutulan otaqdan stadionun ərazisini aydın görmək olur.

 

Müasir arxitektura üslubu, xüsusi gözəlliyi ilə seçiləcək stadionun interyerində də son tamamlama işləri aparılır. Beynəlxalq standartlara tam cavab verən güclü və müasir işıqlandırma sistemi, həmçinin stadionun qapıları üzərində quraşdırılmış böyük tablolar hazır vəziyyətə gətirilib.

 

Stadion Gənclər və İdman Nazirliyinə təhvil verildikdən sonra Avstraliyadan gələn ot örtüyü salınacaq.

 

Müxtəlif funksiyalı tribunalar, qaçış zolağı və digər infrastrukturla bağlı tədbirlər də görülür. Stadion ətrafında açılış mərasiminə hazırlıq məqsədi ilə çadırlar qurulub.


Xəbərin orijinal ünvanı: http://news.lent.az/news/191010

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR