Yay qalereyasında "Təsvirlər quruluşu" - FOTO

Yay qalereyasında "Təsvirlər quruluşu" - FOTO
10:05 22 Yanvar 2015
Ölkə mətbuatı
A- A+

"Təsvirlər quruluşu"
Yay qalereyası Almaniyadan olan rəssam
Marqret Ayher-in fərdi sərgisini təqdim edir.
29 Yanvar – 19 Mart, 2015.

Yay qalereyası böyük məmnuniyyətlə 2015-ci ilin ilk sərgisi olacaq – Marqret Ayherin fərdi sərgisini təqdim edir.

Marqret Ayher qobelen sənəti üzrə ixtisaslaşan almaniyalı konseptual rəssamdır. O, informasiya əsrimizdə geniş yayılmış və hamıya tanış olan obrazları barokko obrazları ilə birləşdirən iri qobelenlərin müəllifi kimi məşhurdur. Onun qobelenləri əsasən çap və elektron formatda mövcud olan foto-jurnalizm və reklam obrazlarını əks etdirir. Müasir informasiya cəmiyyətimizin nişanələri müxtəlif mənbələrdən götürülmüş obrazların konseptual hala gətirilmiş piratlığı kimi həmin əsərlərdə təsvir edilir. Marqret Ayherin əsərləri yalnız ona xas olan tərzdə müasirliklə klassik irsin simbiozunu, sintezini, vəhdətini təqdim edir. Bu cəhət onun qobelenlərini bu gün olduqca yerinə düşən edir.

Onun sənətkar mövqeyi heç də yaradan şəxsin mövqeyi deyil, əsərin hədəfi olan şəxsin mövqeyidir. Hər hansı mədəni və ya siyasi müddəanı təsvir etdikdə o, mövcud olan obrazlardan istədiyini seçib istifadə edir. Necə ki kollaj və montaj təsvirlərinin inkişaf dövrü XX əsrin əvvəllərinə təsadüf etmişdir, “iqtibas” da bir mədəni və bədii üsul kimi bizə elə o vaxtdan məlumdur. Marqret Ayherin əsərlərində isə bu cür dırnaqarası “piratlıq” rəssamın tənqidi və siyasi mövqeyini təşkil edir.

Rəssam bu sənətin əsaslarına sadiq olduğunu öz qobelenlərində sübut edir. O, mərkəzi kompozisiyanın çərçivəsini, ənənəvi olaraq, tarixi simvollardan və məlum semantik rəmzlərdən quraraq, müəyyən müasirlik əlamətlərini də qanuna salınmış qobelen üsulları ilə əsərinə daxil edir (trafaret vasitəsilə).

Marqret Ayherin media-qobelenləri ucuz başa gələn, lakin bununla yanaşı, yüksək texnologiyalara söykənən sənaye məhsuludur. Saray qobelenləri sənətinin vətəni sayılan Flandriyanın tekstil müəssisələri böyük fəallıq nümayiş etdirərək, köhnə motivlərin yeni-yeni surətlərini istehsal edib dünya bazarında suvenir kimi satır. Rəssam qəsdən ənənəvi və bahalı qobelenləri öz əsərləri ilə əvəz etmək yolunu seçmişdir, axı ənənələrə qarşı yönəlmiş bu saxtakarlıq bizim zəmanə üçün səciyyəvi olan elə əyləncələri təmsil edir ki, onlar intellektual mülkiyyətin kollektiv istifadəsinə əsaslanıb.

Açılış: 29 yanvar, saat 19:00.
Giriş sərbəstdir.

Daha ətraflı məlumat üçün:
Ələkbərli Fərəh
Layihələr üzrə menecer

farah.a@yaygallery.com  (055) 490 09 26 





RƏYLƏR

BU KATEQORİYADAN DİGƏR XƏBƏRLƏR