Bakı. Fuad Cəfərov - APA. Bakıda daha bir bıçaqlanma hadisəsi baş verib.
Sabunçu Rayon Polis İdarəsindən APA-ya verilən məlumata görə, hadisə Bakıxanov dəmiryol stansiyasında qeydə alınıb.
Bakı şəhər sakini, 1987-ci il təvəllüdlü Seymur Məmmədov tanımadığı şəxs tərəfindən bıçaqlanıb. O, ağır bədən xəsarətləri ilə 3 saylı Şəhər Klinik Xəstəxanasına yerləşdirilib.
Hazırda bıçaqlanma hadisəsini törədən şəxsin müəyyən edilərək tutulması istiqamətində iş aparılır.