"İnter"in və İtaliya millisinin hücumçusu Pablo Osvaldo itkin düşüb.
Milli.Az publika.az-a istinadən xəbər verir ki, iki gündür, klubun məşqlərinə qatılmayan futbolçudan heç bir məlumat yoxdur.
Sonuncu dəfə sosial şəbəkədə İspaniyaya getdiyini yazan futbolçu, həftə sonu "Espanyol"un şərəfini qoruyan dostu Kristian Alvareslə şəklini paylaşmışdı. Lakin daha sonra futbolçudan heç bir xəbər alınmayıb.
İtalyan futbolçu "Sauthempton"da çıxış edərkən də bu cür hərəkətlə yadda qalmışdı. "Müqəddəslər"in sırasını icazəsiz tərk edərək iki həftə məşqlərə çıxmadığına görə "ağ-qırmızılar" onunla müqaviləni pozmuşdular.
Cari mövsümü icarə əsasında “İnter”də keçirən argentina əsilli futbolçu A seriyasında 12 oyuna çıxıb və aktivində 5 qol var.
Milli.Az
Milli.Az