Bakı, 22 yanvar, Samirə Quliyeva, AzərTAc
Ötən il sığorta növləri arasında ən ciddi artım kredit sığortasında qeydə alınıb.
Azərbaycan Sığortaçılar Assosiasiyasının sədri Orxan Bayramov AzərTAc-a bildirib ki, bu növ sığortada yığım 10,3 dəfə artaraq 1,31 milyon manat təşkil edib. Artım dinamikasına görə 2-ci yeri kənd təsərrüfatı heyvanlarının sığortası tutub. Bu sığorta növündə toplanan sığorta haqqı 3,8 dəfə artaraq 2 milyon manatı ötüb.