Bakı, 22 yanvar, AzərTAc
Ötən il ərzində respublika ərazisində 36 partlayış hadisəsi baş verib. Bu da 2013-cü illə müqayisədə 7 hadisə və ya 24 faiz çoxdur.
Fövqəladə Hallar Nazirliyindən AzərTAc-a bildiriblər ki, partlayışlar zamanı 16 nəfər həlak olub, 75 nəfər xəsarət alıb.
Bu hadisələrdən 16-sı fərdi yaşayış evlərində, üçü fərdi evin yardımçı tikililərində, yeddisi çoxmənzilli yaşayış binalarında, ikisi sosial-məişət və mədəniyyət təyinatlı binada, üçü istehsalat obyektində, biri yanacaqdoldurma məntəqəsində, biri yeni inşa olunan obyektdə, biri yük avtomobilində, biri digər yaşayış binasında, biri isə digər ticarət obyektlərində qeydə alınıb.