Mübariz Qurbanlı: “Azərbaycanda konfessiyaların dinc şəraitdə fəaliyyətini heç bir cərəyan, qüvvə dəyişə bilməz”

Mübariz Qurbanlı: “Azərbaycanda konfessiyaların dinc şəraitdə fəaliyyətini heç bir cərəyan, qüvvə dəyişə bilməz”
16:17 22 Yanvar 2015
139 Digər
Ölkə mətbuatı
A- A+

[ 22 Yanvar 2015 16:15 ]

Bakı. Mübariz Aslanov – APA. Azərbaycanın Dini Qurumlarla İş üzrə Dövlət Komitəsinin sədri Mübariz Qurbanlı Demokratiya Naminə Avropa Fondunun nümayəndələrini qəbul edib.

Komitədən APA-ya verilən məlumata görə, qəbulda Fondun rəhbəri Roberta Bonazzi, əməkdaşları Tomasso Virgili və Demir Murat Seyrek iştirak edib.

 

M.Qurbanlı bildirib ki, fikir və təcrübə mübadiləsi baxımından bu cür görüşlərin keçirilməsi olduqca vacibdir. O qeyd edib ki, dünyəvilik və tolerantlıq Azərbaycan xalqının təfəkkür tərzidir: “Azərbaycanda bütün konfessiyalar dinc şəraitdə fəaliyyət göstərir. Bunu heç bir cərəyan, heç bir qüvvə dəyişə bilməz. Bizim bu təcrübə - multikultural və tolerant cəmiyyətimiz Avropada da təşviq edilə bilər”.

 

M.Qurbanlı deyib ki, ölkəmizdə dinə yüksək səviyyədə dövlət qayğısı var və bu qayğı bütün konfessiyaları əhatə edir. Görüş zamanı müxtəlif məsələlərlə bağlı fikir mübadiləsi aparılıb.


Xəbərin orijinal ünvanı: http://az.apa.az/news/370009

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR