Bakı, 22 yanvar, AzərTAc
Yanvarın 22-də qadınlardan ibarət voleybol komandaları arasında Çempionlar Liqası yarışları çərçivəsində növbəti oyunlar keçirilib.
AzərTAc xəbər verir ki, “A” qrupunun son oyununda Azərbaycan çempionu “Rabitə” komandası Kazanda Rusiyanın “Dinamo” klubunun qonağı olub.
Görüş Rusiya çempionunun 3:0 (25:21; 25:10; 25:14) hesablı qələbəsi ilə başa çatıb.
Bakıdakı ilk oyunda Azərbaycan təmsilçisi 3:2 hesablı qələbə qazanmışdı.
Son qarşılaşmada “Rabitə” öz meydanında artıq pley-off mərhələsinə vəsiqə qazanmış Polşanın “Ximik” klubunu qəbul edəcək.