Tokio, 23 yanvar, AzərTAc
Tokioda yerləşən Yaponiyanın ən böyük məscidlərindən biri İŞİD təşkilatını iki yapon girovu tezliklə azad etməyə çağırıb.
Bəyanatda bildirilir ki, güc tətbiq etməklə həyata keçirilən terror aksiyaları sülhün əhəmiyyətini vurğulayan İslamla ziddiyyət təşkil edir. Qeyd edilir ki, insanların girov götürülməsi cinayətdir. Bu, ümumilikdə müsəlmanları cinayətkar rolunda təqdim edir.
Həmin gün Yaponiya paytaxtının Şibuya rayonunda yerləşən məsciddə girov götürülmüş 600-dən çox müsəlmanın da tezliklə azad olunması üçün dualar oxunub.
Vüqar Ağayev
AzərTAc-ın xüsusi müxbiri
Tokio
