Bakı, 23 yanvar, AzərTAc
“AtaSığorta” ASC Korporativ Sosial Məsuliyyət çərçivəsində 2015-ci ilin ilk xeyriyyə aksiyasını keçirib.
Şirkətdən AzərTAc-a bildiriblər ki, ASC Şağan 3 saylı internat evinin fiziki və əqli qüsurlu uşaqları üçün ekologiyanın mühafizəsi və dibçəklərdə güllərin yetişdirilməsi ilə bağlı tədbir təşkil edib. Təcrübəli bağban yeni əkilmiş güllərə qulluqdan danışıb, uşaqlara dibçəklər hədiyyə edilib.
Sonra güllər, təbiət, ekologiya üzrə suallara həsr olunan viktorina keçirilib və qaliblərə “AtaSığorta”nın hədiyyələri verilib.
“AtaSığorta” ASC idarə heyəti sədrinin müavini Orxan Məmmədov qeyd edib ki, aksiyanın məqsədi uşaqlarda təbiəti və ekologiyanı dərketmə münasibətini formalaşdırmaq və onlar üçün faydalı asudə vaxt təşkil etməkdir.