Bakı. Məlahət Nəcəfova - APA. Özbəkistanda keçiriləcək prezident seçkiləri ilə əlaqədar bu ölkənin Azərbaycandakı səfirliyində seçki məntəqəsi yaradılacaq.
Səfirlikdən APA-ya verilən məlumata görə, məntəqə səsvermə günü, yəni martın 29-da fəaliyyət göstərəcək.
Qeyd edək ki, martın 29-da Özbəkistanda keçiriləcək prezident seçkilərində 4 namizəd iştirak edəcək. Bunlar hazırkı prezident İslam Kərimov (Liberal Demokrat Partiyası), Hatamcon Ketmonov (Xalq Demokratik Partiyası), Akmal Saidov (Milli Tiklanış Partiyası) və Nariman Umarovdur (Adolat Partiyası). Özbəkistanda prezident 5 il müddətinə seçilir.