Bakı metrosunda problem yaranıb. Metropolitenin mətbuat xidmətinin və ictimaiyyətlə əlaqələr şöbəsinin rəisi Nəsimi Paşayev Lent.az-a bildirib ki, Həzi Aslanov-İçərişəhər xətti ilə hərəkət edən 11 saylı qatarda Nərimanov stansiyasının girişində nasazlıq yaranıb. Nasaz qatar köməkçi qoşqu vasitəsi ilə stansiyaya gətirilib: "Təxminən 10 dəqiqə gecikmə olub. Buna görə də digər qatarlarda da gecikmə baş verib. Artıq problem aradan qaldırılıb".
Qeyd edək ki, sərnişinlər qatarların 20 dəqiqədən çox tunellərdə qalmasını bildiriblər. Problem ucbatından demək olar ki, xəttəki bütün qatarlar stansiyalara gecikmə ilə çatıb.
