Azərbaycan, Bakı, 23 yanvar /Trend, müxbir İlkin İzzət/
Daxili işlər orqanlarının əməkdaşları tərəfindən xeyli sayda odlu silah və vasitələri tapılıb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Şəmkir rayon Polis Şöbəsi əməkdaşları tərəfindən rayon ərazisində nömrəsiz “Karabin” markalı silah, “TOZ-8” markalı tüfəng, qaz tapançası və 294 ədəd müxtəlif çaplı patron, Füzuli rayon Polis Şöbəsi əməkdaşları tərəfindən Horadiz şəhərində 2 ədəd “TOZ” markalı tüfəng, 2751 ədəd müxtəlif çaplı patron və 3 patron darağı, Gəncə şəhəri Nizami rayon Polis İdarəsi əməkdaşları tərəfindən Gülüstan qəsəbəsində “RPQ-18” markalı qumbaraatan və 1555 ədəd müxtəlif çaplı patron tapılıb.
Məqalə müəllifi ilə əlaqə ünvanı: agency@trend.az
