Bakı, 23 yanvar, AzərTAc
Vahid Avropa valyutasının ABŞ dollarına nisbətdə məzənnəsi son 11 ildə ən minimal həddə düşüb.
AzərTAc BBC telekanalına istinadla xəbər verir ki, yanvarın 23-də səhər saatlarında EBS platformasında keçirilən elektron hərracda avro 1,13145 dollara satılıb. Avronun ucuzlaşmasının bu həddi son dəfə 2003-cü ilin sentyabrında qeydə alınmışdı.
Avropa valyutasının ucuzlaşmaqda davam etməsinin əsas səbəblərindən biri yanvarın 22-də Avropa Mərkəzi Bankı tərəfindən dövlət istiqraz vərəqələrinin alınması proqramının işə salınması olub.
