Azərbaycan, Bakı, 26 dekabr /Trend, müxbir Maksim Tsurkov/
Yanvarın 5-dən Bakı Fond Birjasında (BFB) "Xəzər-Lada" ASC-nin 5 milyon manat dəyərində təmin edilməmiş, faizli, adlı, sənədsiz istiqrazlarının emissiya prospektinin yerləşdirilməsi başlayır.
Trend-in cümə günü BFB-yə istinadən verdiyi məlumata görə, emissiya çərçivəsində hər birinin nominal dəyəri 5 min manat olan 1000 istiqraz buraxılıb.
Yerləşdirmənin anderrayteri qismində "Unicapital" MMC çıxış edir.
İstiqrazların tədavül müddəti 1825 gün, illik faiz dərəcəsi 12 faizdir.
Məqalə müəllifi ilə əlaqə ünvanı: agency@trend.az