Baş Prokurorluq Şirvanda baş verən qətl hadisəsi ilə bağlı məlumat yayıb

16:52 23 Yanvar 2015
248 Digər
Ölkə mətbuatı
A- A+

[ 23 Yanvar 2015 16:49 ]


Bakı. Fuad Cəfərov -APA. Şirvan şəhərində baş verən qətl hadisəsi ilə bağlı cinayət işi açılıb.

 

Baş Prokurorluğun mətbuat xidmətindən APA-ya verilən məlumata görə, yanvarın 22-də Şirvan şəhəri, Məmməd Əmin Rəsulzadə küçəsi, bina 10, mənzil 15-də iki şəxsin meyitinin aşkar edilməsi barədə Şirvan şəhər Prokurorluğuna məlumat daxil olub.

Daxil olan məlumat əsasında dərhal şəhər prokurorluğu və Polis Şöbəsinin əməkdaşlarından ibarət istintaq-əməliyyat qrupu tərəfindən məhkəmə-tibb ekspertinin iştirakı ilə hadisə yerinə və  meyitlərə baxış keçirilib, maddi sübutlar, o cümlədən cinayətin aləti olan bıçaq götürülüb və digər zəruri prosessual hərəkətlər yerinə yetirilib.

İlkin araşdırma zamanı müəyyən edilib ki, qeyd edilən tarixdə şəhər sakini, 1965-ci il təvəllüdlü Kişiyev Araz Babayar oğlu Şirvan şəhərində kirayədə yaşayan gəlini - 1976-cı il təvəllüdlü Balakişiyeva Sevinc Məmməd qızına şəxsi münasibətlər zəminində aralarında baş vermiş münaqişə zəminində çoxsaylı bıçaq xəsarətləri yetirərək qəsdən öldürdükdən sonra özünün də boğaz nahiyəsini kəsərək intihar edib.

Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Hazırda baş vermiş cinayətin bütün xüsusatlarının tam və hərtərəfli araşdırılması istiqamətində zəruri istintaq-əməliyyat tədbirləri davam etdirilir.

 

 

 

RƏYLƏR

BU KATEQORİYADAN DİGƏR XƏBƏRLƏR