Azərbaycan, Bakı, 24 yanvar /Trend/
Bakıda intihar cəhdinin qarşısı alınıb.
Trend Fövqəladə Hallar Nazirliyinin (FHN) rəsmi saytına istinadən xəbər verir ki, Bakı şəhəri, Nərimanov rayonunda 1 nəfər intihar etmək niyyətini nümayiş etdirir.
Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşdur.
Xilasedicilər tərəfindən aparılmış psixoloji söhbət nəticəsində vətəndaş fikrindən daşındırılaraq intihara cəhdin qarşısı alınmışdır.
Məqalə müəllifi ilə əlaqə ünvanı: agency@trend.az
