Müğənni Kutsinin rol aldığı ilk film "Zəngin səsi" yaxın zamanlarda nümayiş olunacaq.
Axşam.az “Hürriyət”ə istinadən xəbər verir ki, aktyor ekran işində baş rolu "Öyle bir geçer zaman ki" (“Zaman elə keçir ki”) serialıyla məşhurlaşan aktrisa Vilma Elleslə paylaşıb. Kutsi filmdə Tarkan adlı fizika müəllimini canlandırıb. Müğənni təəssüratlarını bölüşüb:
"İlk filmim olduğu üçün çox həyəcanlıyam. “Zəngin səsi" bu yaxınlarda nümayiş olunacaq. Mən də maraqla gözləyirəm".
Qeyd edək ki, “Zəngin səsi”ndə Kamal Quruçay, Ayxan Kavas, Əsin Gündoğdu, Hakan Salınmış, Mərvə Ərdoğan kimi aktyor və aktrisalar da yer alıblar. Filmin rejissoru Levent Demirkaledir.