Müğənni Əli Mirəliyev müasir dövrümüzdəki toy adətlərindən şikayətlənib.
Axşam.az-ın məlumatına görə, “Günaydın” verilişinin qonağı olan sənətçi məclis mahnılarının efirə gətirilməsini tənqid edib:
“Dədə-baba toylarımızda bizim başımızın üstündə “Bismillah”la üzərlik yandırırdılar. Adımıza xörək bişirib, ayağımızın altında qoyun kəsirdilər. Bu, bizim yaratdığımız hörmət idi. İndi toylarda “Yanıq Kərəm”i oynayırlar. Heç o mahnını ifa edəndə sazı göydə atıb-tutarlar? Oxumaq başqadır, oynamaq başqa. Mahnını qışqıra-qışqıra ifa edirlər. Toyxana mahnılarını efirə gətirməyin. Bizim kimilər bunlara nəzarət edir. Ona görə də, hamınız öz payınızı alacaqsınız”.
Ə.Mirəliyev toy qiymətindən də danışıb:
“Kim deyirsə, 12 minə toya gedir, yalan söyləyir. Hamısı acından ölür. Ola bilər ki, ildə cəmi bir dəfə 8-9 min manata gedir. Mən toya 1000-1200 manata gedirəm. Amma cavanlığımda toy yiyəsinə hər hansı bir qiymət deməmişəm ki, indi də söyləyim”. Qeyd edək ki, “Günaydın” verilişi həftə içi hər gün saat 14:20-də “Space” kanalında yayımlanır.
