Azərbaycan və Malta milli komandaları arasında qarşılaşma Tofiq Bəhramov adına Respublika stadionunda keçiriləcək. Lent.az-ın AFFA-nın rəsmi saytına istinadən məlumatına görə, Avro-2016-nın seçmə mərhələsində ilk dəfə yığmamız bu arenada çıxış edəcək.
Qarşılaşma martın 28-də baş tutacaq. Düzdü, bu oyunun əvvəlcə “Bakcell Arena”da keçirilməsi nəzərdə tutulmuşdu. Lakin eyni gündə Bakıda 17 yaşadək futbolçulardan ibarət komandalar arasında Avropa çempionatının elit-raund qarşılaşmalarının keçiriləcəyi də nəzərə alınıb.
Buna görə də AFFA millinin oyununun digər stadionda təşkili ilə bağlı UEFA-ya müraciət ünvanlamışdı. Artıq Avropa futbol qurumu bu müraciəti müsbət cavablandırıb.
Qeyd edək ki, yığmamız Bolqarıstan və Norveçlə ev oyunlarını “Bakcell Arena”da keçirib.