Rusiya Hərbi Hava Qüvvələrinin (HHQ) arsenalına yeni nəsil T-50 təyyarələri daxil ediləcək. Anspress xəbər verir ki, bunu Rusiya HHQ-nin baş komandanı general-leytenantı Viktor Bondarev TASS-a bildirib.Rusiya HHQ-yə yeni nəsil T-50 təyyarələri daxil edilir
"Aviasiyamız günü-gündən güclənir. Hazırda yeni nəsil 4++ helikopterlər HHQ-nin arsenalına daxil edilir. T-50 təyyarələrimiz isə ABŞ-ın F-22-dən geri qalmır, üstəlik onu bir qədər də üstələyir. Hazırda arsenalımıza Su-30SM və Su-35S qırıcıları, eləcə də Su-25 təyyarələrinin modernləşmiş modellərini əlavə edirik", - deyə Baş komandan bildirib.
Qeyd edək ki, T-50 təyyarələri Amerikanın müasir F-22 təyyarələrinin əsas rəqibi sayılır. T-50 müasirləşdirildikdən sonra radiolokasiya stansiyalarının radarlarından itmə qabiliyyətini bir qədər də artırıb. İndi qabiliyyət 15 dəfəyədək artırılıb.
Rus konstruktorlar təyyarənin bortunda olan bütün silahları içəri yerləşdirərək, eyni zamanda təyyarənin istehsalı zamanı materiallarda radiodalğaları özündə əks etdirən məmulatlara üstünlük verərək T-50-nin radarlar tərəfindən təsbit edilməməsinə nail olublar.
Milli.Az
Böyütmək üçün şəkillərə kilkləyin.
