Bakı, 24 yanvar, AzərTAc
Türkiyədə təlim-məşq toplanışında olan Bakının “Neftçi” futbol komandası hazırlıq çərçivəsində növbəti yoxlama matçına çıxıb.
AzərTAc xəbər verir ki, baş məşqçi Arif Əsədovun komandası Antalyada Rumıniyanın “Petrolul” kollektivi ilə münasibətlərinə aydınlıq gətirib.
Görüş “Neftçi”nin 1:0 hesablı qələbəsi ilə başa çatıb. Oyunda yeganə qolu Denis Silva vurub.
Maraq üçün bildirək ki, “Petrolul”u hazırda “Xəzər-Lənkəran”ın sabiq baş məşqçisi Mirça Rednik çalışdırır.
“Neftçi” bundan əvvəl Səudiyyə Ərəbistanının “Hajer” (3:1), Türkiyənin “Kayseri Ərciyəsspor” (0:0) və “Elazığspor” (0:1), eləcə də Ukraynanın “Volın” (4:3) komandaları ilə qarşılaşıb.