Bakı, 24 yanvar, AzərTAc
Belarus Respublikasının Azərbaycandakı səfiri Nikolay Patskeviçin nəqliyyat naziri Ziya Məmmədovla görüşü olub.
Səfirlikdən AzərTAc-a bildirilib ki, görüşdə Belarusla Azərbaycan arasında nəqliyyat və logistika sahəsində əməkdaşlıq məsələləri müzakirə edilib.
Görüşün nəticələrinə əsasən qeyd olunub ki, nəqliyyat sahəsində ikitərəfli əlaqələrin perspektivləri müəyyən ehtiyatlara malikdir. Bu ehtiyatlar həm Azərbaycanın, həm də Belarusun nəqliyyat potensialının möhkəmlənməsinə kömək edə bilər.