Xalq artisti Flora Kərimova özündənrazı olmadığını deyib.
Axşam.az-ın məlumatına görə, “İncə maraqlar” verilişinin qonağı olan müğənni bu cür insanları yazıq adlandırıb:
“Biri var özünə qiymət verəsən, biri də var cəmiyyət səni qiymətləndirsin. Cəmiyyətin hörmətinə görə özündənrazı olmaq olar. Amma elə insanlar da var ki, özünə məcburən təriflər yağdırdır, “mən buyam, oyam” deyir. Özünə saxta mükafatlar, təriflər yığır. Əslində isə heç birinin sahibi deyil. “Mənəm-mənəm” deyib özünü güclə insanların gözünə soxur. Əgər cəmiyyət bunu qəbul etmirsə, o, bədbəxt biridir. Mən özümdən razı da, narazı da ola bilərəm. Əsas odur ki, bu xüsusiyyəti məndən sonrakı nəslə ötürmürəm”.
