Bakı, 24 yanvar, AzərTAc
“Sərhədçi” İdman Olimpiya Mərkəzində Beynəlxalq Boks Federasiyasının “AIBA Pro Boxing” (APB) turniri çərçivəsində 69 kiloqram çəki dərəcəsi üzrə yarış keçirilir.
AzərTAc xəbər verir ki, döyüşlərdən əvvəl konsert proqramı təqdim olunub.
Rinqə əvvəlcə avstriyalı Markos Nader və macarıstanlı Qyula Keyt çıxıblar.
Sonra Denis Lazerev (Ukrayna) - Andrey Zamkovoy (Rusiya), Tamerlan Abdullayev (Azərbaycan) - Eimantas Stanionis (Litva) cütlükləri qarşılaşacaqlar.
Günün əsas döyüşündə – APB kəməri və “Rio-2016” Olimpiya Oyunlarına lisenziya uğrunda keniyalı Rayton Okviri və Türkiyə boksçusu Onur Sipal üz-üzə gələcəklər.