Venesuelada ölkə prezidenti Nikolas Maduronun istefası tələbi ilə kütləvi nümayişlər keçirilir.
APA-nın France Presse agentliyinə istinadən verdiyi xəbərə görə, etirazlara səbəb ölkədə güclü iqtisadi böhranın davam etməsidir.
Əhali ət, süd, şəkər və gündəlik tələbat mallarının çatışmamazlığından əziyyət çəkir. Son sorğulara əsasən, prezident Maduronun reytinqi 22%-ə düşüb.
Qeyd edək ki, Venesuelada hakimiyyət əleyhinə keçirilən etiraz aksiyaları artıq 1 ilə yaxındır ki davam edir.
