Bakı, 25 yanvar, AzərTAc
Bakı Şəhər Mədəniyyət və Turizm İdarəsi 2 fevral – Azərbaycan Gəncləri Günü ilə əlaqədar tədbirlər planı hazırlayıb.
İdarədən AzərTAc-a bildirilib ki, plana əsasən yanvarın 30-dan başlayaraq fevralın 3-dək idarənin tərkibində fəaliyyət göstərən kitabxanalarda, mədəniyyət evi və klublarda, uşaq musiqi və incəsənət məktəblərində, Heydər Əliyev mərkəzləri və muzeylərdə bu gün münasibətilə tədbirlər, sərgilər, mühazirələr, konsertlər, “dəyirmi masa”lar, tamaşa nümayişi, görüş, şou-proqram, müsabiqə, poeziya gecəsi keçiriləcək.
