"Real"ın futbolçusu Kriştianu Ronaldu İspaniya La Liqasında "Kordoba"ya qarşı matçda qırmızı vərəqə aldığı üçün hər kəsdən üzr istəyib.
Qol.az-ın məlumatına görə, portuqaliyalı oyunçu bu barədə "Tvitter" hesabından yazıb:
"Hər kəsdən üzr istəyirəm. Xüsusilə, rəqibin oyunçusu Edimara qarşı etdiyim düşüncəsiz hərəkətə görə ondan üzr istəyirəm".
Qeyd edək ki, K.Ronaldu qarşılaşmanın 83-cü dəqiqəsində Edimarın ayağına təpiklə vurub. Daha sonra o, rəqibin daha bir futbolçusunu sifətindən itələyib. Bu hərəkətlərinə görə portuqaliyalı oyunçu qırmızı vərəqə ilə cəzalandırılıb.
Milli.Az