Kim Çen In ilk xarici səfərini edəcək

Kim Çen In ilk xarici səfərini edəcək
13:36 25 Yanvar 2015
123 Dünya
Ölkə mətbuatı
A- A+

Koreya Xalq Demokratik Respublikasının (KXDR) lideri Kim Çen Inın xarici ölkəyə ilk səfərinin 2015-ci ilin aprelində olacağı bildirilir.

ANS PRESS-in məlumatına görə, onun vəzifəyə gələndən sonra ilk səfəri İndoneziyaya olacaq. KXDR liderinin apreldə İndoneziyaya gələcəyi gözlənilir. Belə ki, aprelin 24-ü İndoneziyada Bundanq konfransının 60 illiyi münasibətilə tədbir keçiriləcək.

Məlumata görə, tədbirdə iştirak etmək üçün Şimali Koreya, Cənubi Koreya və bir sıra başqa Asiya və Afrika ölkələrinin rəhbərlərinə dəvətnamələr göndəriləcək.

Qeyd edək ki, Bundanq konfransı ilk dəfə 1955-ci ildə keçirilib. O zaman Şimali və Cənubi Koreya, SSRİ liderləri də daxil olmaqla bir neçə rəhbər konfransa buraxılmamışdı. Lakin 1965-ci ildə konfransın 10 illiyində Şimali Koreyanın o zamankı lideri Kim İr Sen iştirak etmişdi.
Mənbə
ANS PRESS


RƏYLƏR

BU KATEQORİYADAN DİGƏR XƏBƏRLƏR