Azərbaycan, Bakı, 26 dekabr /Trend, müxbir Azad Həsənli/
Qiymətli Kağızlar üzrə Dövlət Komitəsi (QKDK) "Bank Avrasiya" ASC-nin 50 milyon manat dəyərində adi, sənədsiz, adlı səhmlərinin emissiya prospektini qeydiyyata alıb.
Trend-in QKDK-ya istinadən verdiyi məlumata görə, hər birinin nominal dəyəri 2 min manat olan 20 min ədəd səhmdən ibarət emissiyanın yerləşdirilməsi hər birinin nominal dəyəri 2,5 min manat olan eyni miqdarda səhmə konvertasiya yolu ilə aparılacaq.
Qeyd edək ki, 2014-cü il noyabrın 1-nə olan məlumata görə, bankın aktivləri 83,275 milyon manat, depozit portfeli 21,023 milyon manat, nizamnamə kapitalı isə 40,43 milyon manat təşkil edib.
Məqalə müəllifi ilə əlaqə ünvanı: agency@trend.az
