ABŞ-ın Florida ştatında baş tutan “Kainat gözəli -2015” yarışmasının qalibi bəlli olub.
Axşam.az-ın xarici mətbuata istinadən məlumatına görə, kolumbiyalı iştirakçı Paulina Veqa müsabiqənin birincisi seçilib. Paulina tacı ötən ilin “Kainat gözəli” venesuelalı Qabriel Aylerdən alıb.
Paulina Veqa 1993-cü il, yanvarın 15-də Kolumbiyanın şimalında yerləşən Barrankilya şəhərində anadan olub. Boyu 175 santimetrdir. İspan, ingilis, fransız dillərini bilir. Ailədə dörd bacı, üç qardaşdırlar. Paulina 8 yaşından model kimi işləyir. Hazırda isə Boqota Universitetində menecmentlik ixtisası üzrə təhsil alır.
Qeyd edək ki, “Vitse-Kainat gözəli” titulunu isə ABŞ-ı təmsil edən Nia Sançeslə “Ukrayna gözəli” Diana Qarkuşa alıblar.
Xatırladaq ki, “Kainat gözəli” yarışması NBC korporasiyası və amerikalı iş adamı Donald Tramp tərəfindən təşkil olunur. Müsabiqə ilk dəfə 1952-ci ildə keçirilib.