Futbol üzrə “Avro-2016”nın seçmə mərhələsi çərçivəsində Azərbaycan və Malta milli komandaları arasında qarşılaşma martın 28-də Tofiq Bəhramov adına Respublika stadionunda keçiriləcək.
Milli.Az xəbər verir ki, AFFA-dan AzərTAc-a bildiriblər ki, oyunun əvvəlcə “Bakcell Arena”da keçirilməsi nəzərdə tutulmuşdu. Lakin həmin günlərdə Bakıda 17 yaşadək futbolçulardan ibarət komandalar arasında Avropa çempionatının elit-raund qarşılaşmaları da keçiriləcəyi nəzərə alınaraq, AFFA millinin oyununun digər stadionda təşkili ilə bağlı UEFA-ya müraciət ünvanlamışdı. Artıq Avropa futbol qurumu bu müraciəti müsbət cavablandırıb.
Milli.Az
