Üzərlərində narkotik vasitə gəzdirən Saatlı sakinləri tutulublar
Saatlı rayon sakinlərində narkotik vasitə olan qurudulmuş marixuana aşkarlanıb. Milli.Az El TV-yə (Region TV) istinadən xəbər verir ki, Saatlı Rayon Polis Şöbəsinin əməkdaşları tərəfindən üzərlərinə baxış keçirilərkən Qara Nuru kənd sakinləri - əvvəllər məhkum olunmuş, 1968-ci il təvəllüdlü Mehman Əvəz oğlu Həsənovdan 5,97 qram, 1989-cu il təvəllüdlü Elçin Gülağa oğlu Ağayevdən isə iki kibrit qutusunda qablaşdırılmış 9,5 qram qurudulmuş marixuana aşkar edilərək götürülüb. Hər iki şəxs barəsində həbs - qəti imkan tədbiri seçilib. Faktla bağlı cinayət işi açılıb, araşdırma aparılır.
Milli.Az